بقلاوة بلابات فيلوام وليد

بقلاوة بلابات فيلوام وليد

مقادير بقلاوة بلابات فيلوام وليد :

• 4كيلات فرينة.

• نصف كيلة سمن .

• رشة ملح
• ماء+ماء الزهر 

الحشو :

• 3كيلات لوز
• نصف كيلة سكر عادي
• فاني
• ماء الزهر
• لازمنا ايضا كمية من النشاء لبسط العجينة

للتعسيل :عسلللتزيين:

• بيستاش

طريقة عمل بقلاوة بلابات فيلوام وليد:

1. نذوب السمن ونخليه يبرد في جفنة نحط الفرينة ورشة ملح ونضيف السمن نبسس الفرينة مع السمكن جيدا من بعد نلم العجينة بخليط الماء وماء الزهر حتى نتحصل على عجينة متماسكة ماتكون طرية بزاف ماتكون يابسة.
2. نقسمها الى 6 كويرات نغطيها بكيس بلاستيكي ونخليها ترتاح ممكن نعمل العجينة في الليل وغدوى من ذاك نحضر بها البقلاوة لان كل ما ارتاحت العجينة تساعدنا اكثر.
3. نرش طاولة العمل بالنشاء.
4. ناخذ الكويرة الاولى ونبسطها بالحلال راح نتحصل على شريط طويل ورقيق
5. نحط الشريط ونعاود نطبق على اثنان وبهذا نكونو تحصلنا على زوج طبقات ونكمل نفس الخطوات مع باقي الكويرات لي حليناهم بالحلال وكل مرة نطبق الشريط ونحط الاشرطة فوق بعض وكل مرة نرش النشاء بين الطبقات هذي نقطة مهمة حتى نتحصل على التوريق اللازم.
6. الان ناخذ الصينية لي راح نطيب فيها البقلاوة ونقيس عليها الحجم ونقطع زوج قطع بقياس الصينية انا هنا استعملت صينية صغيرة اذا راح نستعمل صينية كبيرة من البداية نقسم العجينة الى12كويرة 6كويرات نعمل بهم الطبقة السفلية و6طبقات لي بقاو نعمل بهم الطبقة العلوية ونتبع نفس الخطوات.
7. ناخذ الصينية ندهنها بالسمن نحط عجينة الفيلو الاولى ثم نحط الحشو من بعد نحط الطبقة الثانية من عجينة الفيلو بالنسبة للحواف بواسطة سكين ندخل العجينة جيدا حتى لا يحترق الحشو.
8. نقطعو البقلاوة حسب الرغبة انا قطعت مربعات ومستطيلات صغار ندخلها لفرن مسخن مسبقا على 180درجة ونخليها تطيب حتى تاخذ لون ذهبي من الاسفل نعاود نشعل من فوق ونخليها تطيب مالازمش نخليها تتحمر فقط اللون الذهبي .
9. نبسط باقي الكويرات بالحلال كيما عملت مع الاولى ونحط هم فوق بعض ونرش بيناتهم النشاء.
10. الان نفوت العجينة بالواحدة في الماشينة 
11. من بعد نرق الطبقات بواسطة الحلال حتى نتحصل على طبقة رقيقة كل ماكانت رقيقة يكون احسن حتى ماتجيش البقلاوة معجنة .
12. في هذا الوقت نحضر الحشو نخلط اللوز مع السكر والفاني ونضيف ماء الزهر مالازمش نبلوه بزاف حتى لا يخرج اثناء الطهي.
13. في هذا الوقت نذوب كمية مليحة من السمن ونفرغ بالملعقة فوق البقلاوة هذا لي يخليها التوريق يظهر وهي سخونة نسقيها بالعسل نضيفلو كمية قليلة فقط من ماء الزهر بالنسبة لكمية العسل ترجع لكمية اللوز المستعمل نعمل نفس الكمية كيما انا هنا صينية صغيرة عملت رطل لوز لازم رطل عسل للتعسيل
14. نخليها عالاقل24ساعة تتشرب العسل من بعد نقطعها ونزينهابالبيستاش ونقدمها وبالصحة والهناء على قلوبكم

ملاحظة:
1ـ لي ما عندهاش الماشينة يمكن تستعمل الحلال لكن اكيد النتيجة النهائية بالماشينة احسن لان الطبقات يكونو رقااااق.
2ـ ممكن تعويض اللوز بالكوكاو.
3ـماننساش في كل مرة نرش النشاء بين الطبقات.
شهية طيبة لكم و في امان الله .